شاطر اوغلان

۱۷ بیت

شاطر اوغلان گوروم آللاه سنه وئرسین برکتقوی اونون یاخشی النسین ،خمیرین اللنسین

چوخ پیشیر یاخشی پیشیر گویده فیریلدات چوره گیمنبر اوسته چوره یین قوی قالانیب تللنسین

تندیرین طور تکین عرشیده ن آلسین ایشیغیارسینین بیرق احرار کیمی میللنسین

کاسیبین قیسمتی یوخ یاغلی پیلوو دوشله ماغابو یاوان سنگه یی بیرقوی ساحالیب سئللنسین

قیرتین قوربانی سن موشترینی تئز یولا سالائل ایچینده یاراماز آرواد اوشاغ وئللنسین

قوی ایکیریاللیغی ساتسین خوزه ئین بیر ماناتادیشی دوشموش قوجانین آغزی نه دیر دیللنسین

او منیم شعریمه چوخ ماییل اولان وردستهدئنه: شاعیر چوره یی قوی قوروسون گوللنسین

من لیغیرسا یئیه بیلسم ده فلوس لازیم اولاربو سوسوز باخچا نه لازیم بو قده ر بئللنسین

ساری یازلیقدان اولان گوللی قیزارمیش سنگکگره ک آغزوندا اریک تک ازیلیب هللنسین

تهرانین غیرتی یوخ شهریار ساخلاماغاقاچمشام تبریزه قوی یاخشی یامان بللنسین

باغچامیز فاسد اولوب ، هر نه اکرسن اولمازیئری داشلیقدی گره ک توپراقی غربیللنسین

مدعاسی چوخ اولان طبل تهی پربادوخنیله یک زورناچی نین بورنو گره ک یئلله نسین

بو گیجللنمه دن آی چرخ فلک سنده یورولبو حیاسیز گونه گوزلر نه قده ر زیللنسین

سعدی نین باغ گلستانی گره ک حشره قده رآلماسی سلله لنیب خرماسی زنبیللنسین

لعنت اول باد خزانه کی نظامی باغینینبیر یاوا گلبسرین قویمادی کاکللنسین

آرزو جلگه لرینده بیز اکن مزرعه لردئییه سن ساقه لنیب قوی هله سنبللنسین

قصه چوخ قافیه یوخ آختاریرام تاپمیورامیئریدیر شهریارین طبعی ده تنبللنسین

۱۳۳۷

خلاصه

هوش مصنوعی: این شعر به زیبایی و ارزش‌های انسانی اشاره دارد و به نقش هنر و شاعران در جامعه تاکید می‌کند. شاعر آرزو دارد که تحولات مثبت و برکت به زندگی مردم و زمین‌های آنان بیافزاید. او به مسائل اجتماعی و فرهنگ اشاره کرده و از ظلم و نابرابری‌ها می‌نالد. در این شعر، اشاره به زیبایی‌های طبیعت، شهرها و ارزش‌های انسانی می‌شود و شاعر از زوال‌ و فساد اجتماعی تعجب و ابراز نگرانی می‌کند. در نهایت، او بر اهمیت ادبیات و شعر در بهبود جامعه و حفظ هویت فرهنگی تاکید دارد.